আমরা ঘরর তাইনেখালি।। নাজমুল ইসলাম মকবুল

340
gb

আমরা ঘরর তাইনেখালি

                                        নাজমুল ইসলাম মকবুল

আমরা ঘরর তাইনেখালি বাইন লাগাইন

কারে দিয়া কেমনে লাগাই বিছার করতা গিয়া ছাইন।।

মাইনষর ভালা দেখলেবুলে গতরো তাইনর জ্বলে

বেঙ্গা লাগাই আলগাথাকি থাকইন তলে তলে

তাইনউ আরবার বিছার করতে টখ ধরিয়া খালি ছাইন

বিছার করার দাওত পাইতে পথরবায়দি খালি ছাইন।।

সামনে পাইলে মারতে থাকইন খাটি হইরর তেল

হরলেউ কইন ইতাবুলে তাইনর আজব খেল

আমল যায়না ধইলে তাইনর কারে কিলা ঠগতা ছাইন

আমল যায়না ধইলে তাইনর ধান্দা মান্দা করি খাইন।।

ইলেকশনর সময় পাওয়ো ধরইন আইনজা করি

উনদা অইয়া মাথাখান কইন আতাও মায়া করি

পাশ করিয়া ছউক বদলিয়া বুড়ি আঙ্গুইল দেখাইন তাইন

পাশ করিয়া হালা ডাকি উল্টা আরও তাল লাগাইন।।

আন্দোলনর সময় ভাগইন মোবাইল বন করিয়া

নেতা নেত্রী দেখলে গিয়া হনাদি ঠেলাইয়া

তারারলগে ফটো তুলি ঘরোনি দেখাইতা ছাইন

তারারলগে ফটো তুলি ছাছীরে দেখাইতা ছাইন।।

এই ওয়েবসাইটটি আপনার অভিজ্ঞতা উন্নত করতে কুকি ব্যবহার করে। আমরা ধরে নিচ্ছি যে আপনি এটির সাথে ঠিক আছেন তবে আপনি চাইলে অপ্ট-আউট করতে পারেন Accept আরও পড়ুন